ரஜினிகாந்த் நடிக்கும் புதிய படம் ராணா. ஆக்கர் ஸ்டூடியோஸ் நிறுவனத்துடன் இணைந்து ஈராஸ் இன்டர்நேஷனல் நிறுவனம் ‘ராணா’ என்ற பெயரில் புதுப்படம் தயாரிக்கிறது. இதன் படப்பிடிப்பு மார்ச் மாதம் தொடங்குகிறது.
இப்படத்தில் ரஜினிக்கு ஜோடியாக தீபிகா நடிக்கிறார். ரஜினியின் ஒரு கதாபாத்திரத்துக்கு ஜோடியாக மாதுரி தீட்சித் நடிக்க வேண்டி இருந்தது. ஆனால் தன்னுடைய குடும்பத்தை பார்க்க அமெரிக்கா செல்வதனால் அக்கதாபாத்திரத்தை ஏற்று நடிக்க சினேகாவிடம் பேசி வருகிறார்கள். ஏற்கெனவே ரஜனி மகள் சௌந்தர்யாவின் ஆக்கர்ஸ் ஸ்டூடியோ தயாரித்த கோவா படத்தில் நாயகியாக நடித்தவர் சினேகா. எனவேதான் மீண்டும் சினேகாவையே அணுகியுள்ளனராம்.
ரஜினிகாந்த் நடித்த முத்து, படையப்பா படத்தை இயக்கிய கே.எஸ்.ரவிக்குமார் இப்படத்தை இயக்குகிறார். படத்துக்கு ஏ.ஆர்.ரகுமான் இசையமைக்கிறார். ஒளிப்பதிவை ரத்தினவேலும் பட தொகுப்பை ஆன்டனியும் கவனிக்கின்றனர்.
No comments:
Post a Comment