Wednesday, February 23, 2011

பெர்லுஸ்கோனி புகழ் ரூபி: கால்பந்து வீரருடன் தொடர்பு


இத்தாலி பிரதமர் பெர்லுஸ்கோனியுடன் நெருங்கிய தொடர்பு வைத்திருந்த நடன அழகி ரூபி பற்றி மேலும் பல பரபரப்பு தகவல்கள் தெரியவந்துள்ளன.

போர்ச்சுகல் கால்பந்து வீரர் கிறிஸ்டியானோ ரொனால்டோவுடன் அவர் தொடர்பில் ஈடுபட்டது அம்பலமாகியுள்ளது. இத்தாலியை சேர்ந்த நைட் கிளப் நடன அழகி கரீமா மரூக் எனப்படும் ரூபி ரூபகோரி. மிலன் நகரில் கடந்த ஆண்டு மே மாதத்தில் 3 ஆயிரம் யூரோ நாணயங்களுடன் பிடிபட்டார். திருட்டு பணமா, விபசார பணமா என்பது தெரியாததால் அவரை ஸ்டேஷனுக்கு பொலிசார் கொண்டு சென்றனர்.

அப்போது பாரீஸ் போயிருந்த இத்தாலி பிரதமர் பெர்லுஸ்கோனியிடம் இருந்து 2 மணி நேரத்தில் போன் வந்தது. நீங்கள் கைது செய்திருக்கும் பெண் எகிப்து அதிபர் ஹோஸ்னி முபாரக்குக்கு வேண்டியவள். இரு நாட்டு உறவில் பிரச்னை ஏற்படுத்தி விடாதீர்கள். உடனே ரிலீஸ் செய்யுங்கள் என்றார்.

தனக்கு மிகவும் வேண்டிய மினெட்டி என்பவரது ஆதரவில் ரூபி தங்கியிருக்க ஏற்பாடு செய்தார். மினெட்டி என்ற பெண் ஏற்கனவே பெர்லுஸ்கோனியுடன் தொடர்பு உடையவர். பெர்லுஸ்கோனியின் டிவி சேனல்களில் நடனம் ஆடியவர். பின்னர் கடந்த அக்டோபரில் மினெட்டி மூலமாக ரூபியை பெர்லுஸ்கோனி சந்தித்ததாக தகவல் வெளியானது.

மிலன் லாட்ஜில் நடந்த பார்ட்டியில் பெர்லுஸ்கோனியுடன் கலந்து கொண்டேன். அவருக்கு அருகே அமர்ந்திருந்தேன். பின்னர் மாடிக்கு அழைத்துச் சென்றார். ரூ.4 லட்சமும், நகைகளும் கொடுத்தார். மற்ற படி தவறான உறவில் நாங்கள் ஈடுபடவில்லை என்றார் ரூபி.

ரூபி போல 17 வயது மற்றும் அதைவிட குறைந்த வயது பெண்கள் பலருடன் பெர்லுஸ் பாலியல் உறவு வைத்திருந்ததாக சரமாரியாக குற்றச்சாட்டுகள் எழுந்தன. மைனர் பெண்களுடன் உறவு கொண்டது மற்றும் அவர்களுக்காக அதிகாரத்தை தவறாக பயன்படுத்தியது ஆகியவை தொடர்பான வழக்கு விசாரணை ஏப்ரல் 6 ம் தேதி தொடங்கும் என அறிவிக்கப்பட்டுள்ளது.

குற்றங்கள் நிரூபிக்கப்பட்டால் பெர்லுஸ்கோனிக்கு அதிகபட்சம் 15 ஆண்டு வரை சிறை தண்டனை கிடைக்க வாய்ப்பு இருப்பதாக கூறப்படுகிறது. இதற்கிடையில் போர்ச்சுகல் கால்பந்து வீரர் கிறிஸ்டியானோ ரொனால்டோவுடனும் ரூபி பாலியல் உறவு வைத்திருந்தது அம்பலமாகியிருக்கிறது.

மிலன் ஓட்டல் அறையில் நானும், ரொனால்டோவும் கடந்த ஆண்டு ஜனவரியில் தங்கினோம். ரூ 2.5 லட்சம் கொடுத்தார். நான் எழுந்திருப்பதற்குள் போய்விட்டார் என்று ரூபி கூறியுள்ளார். ரூபியை பார்த்ததே இல்லை என திட்டவட்டமாக ரொனால்டோ மறுத்துள்ளார்.

No comments:

Post a Comment